Тошкент шаҳри Яккасарой тумани ҳудудидаги кичик ҳалқа автомобиль йўлида 6 октябрь куни тўртта транспорт воситаси иштирокида йўл-транспорт ҳодисаси содир бўлди. Бу ҳақда шаҳар ички ишлар бош бошқармаси хабар бермоқда.
- 2000 йилда туғилган К.Х. бошқарувидаги Nexia-3;
- 1987 йилда туғилган Р.А. бошқарувидаги Spark;
- 1993 йилда туғилган Б.С. бошқарувидаги Nexia-3;
- 1980 йилда туғилган Д.Г. бошқарувидаги Jetour транспорт воситалари тўқнашган.
Дастлабки олинган маълумотга кўра, Nexia-3 (давлат рақами 01 Ж 947 ОВ) транспорт воситаси ҳайдовчиси йўл ҳаракати қоидаларига риоя этмасдан, йўлнинг қарама-қарши қисмига чиқиб ҳаракатланган ва бошқа транспорт воситаси билан тўқнашган. Оқибатда тўртта автомашина иштирокидаги йўл-транспорт ҳодисаси содир бўлган.
Тўқнашув сабаб Spark ҳайдовчиси, шунингдек, йўловчиси — вояга етмаган (2013 йилда туғилган) Ж.Ж. тан жароҳатлари олиб, тиббиёт муассасасига олиб борилган. Мазкур ҳолат юзасидан шаҳар ИИББ ЙҲХБ томонидан терговга қадар текширув ўтказилмоқда.
Изоҳ (0)