Surxondaryoda MCHJ rahbari gazdan yashirincha foydalanib, davlatga yarim mlrd so‘mga yaqin zarar yetkazdi

Surxondaryo viloyatida tabiiy resurslardan noqonuniy foydalanish holati aniqlandi. Bu haqda Iqtisodiy jinoyatlarga qarshi kurashish departamenti xabar bermoqda.

Bosh prokuratura huzuridagi departamentning Surxondaryo viloyati boshqarmasi tomonidan tergovga qadar tekshiruv o‘tkazilgan. Unda “D.Sh.” MCHJ rahbari A.A. MCHJga qarashli issiqxonada gaz hisoblagichsiz tabiiy gazdan foydalanib kelgani oqibatida davlat va jamiyat manfaatlariga 496,8 million so‘mlik zarar yetkazgani aniqlangan.

Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Farg‘onada qarzdorligi sabab elektr va gazdan uzilgan korxona tarmoqqa o‘zboshimchalik bilan qayta ulanib oldi
• Toshkent viloyatida avtomobillarga gaz quyish shoxobchalari davlat manfaatlariga 2,3 mlrd so‘m zarar yetkazdi