Toshkent viloyati Olmaliq shahrida kuchli ta’sir qiluvchi dori vositalarini muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Olmaliq shahar bo‘limi tomonidan DXX va IIB xodimlari bilan hamkorlikda tezkor tadbir o‘tkazilgan. Unda fuqarolar J.T., S.S., V.T. boshqa bir fuqaro D.ga Telegram orqali xorijda ishlab chiqarilgan “Regapen” nomli kuchli ta’sir qiluvchi dori vositasini har bir donasini 40 ming so‘mdan sotishga kelishgani aniqlangan. Ular jami 49 dona ushbu dori vositasini 1,9 million so‘mga sotgan vaqtlarida ashyoviy dalillar bilan ushlangan.
Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)