Qashqadaryo viloyati Qarshi shahrida mahalliy ishlab chiqaruvchilar hamda Respublikadagi yirik tarmoq korxonalari, vazirlik va idoralar o‘rtasida tarmoqlararo sanoat kooperatsiyasini kengaytirish maqsadida, joriy yilning 6—7-oktabr kunlari hududiy sanoat yarmarkasi bo‘lib o‘tdi.
O‘zbekiston Respublikasi Prezidenti Administratsiyasi hamda Vazirlar Mahkamasining tegishli topshiriqlariga muvofiq o‘tkazilgan ushbu tadbirda, “O‘zbekneftgaz” AJ va uning tarkibidagi korxonalar alohida stend bilan ishtirok etdi.
Yarmarka doirasida “O‘zbekneftgaz” AJning sanoat salohiyati, xomashyo resurslarini qayta ishlash holati va istiqbollari, ishlab chiqarish infratuzilmasi, chet-el investorlari bilan hamkorlikda amalga oshirilayotgan loyihalar, import nomenklaturasi, ishlab chiqarishni mahalliylashtirish bo‘yicha loyiha takliflari namoyish etildi.
Shuningdek, investitsiya loyihalari hamda tarmoq korxonalari ehtiyojlari uchun yetkazib beriladigan tovar va xizmatlarni mahalliylashtirish imkoniyatlari ko‘rib chiqilib, “O‘zbekneftgaz” AJ korxonalarining 2023-yil ehtiyojlari doirasida kooperatsiya aloqalarini yo‘lga qo‘yish va kengaytirish bo‘yicha aniq shartnomalar imzolandi.
Qashqadaryo viloyati hokimi Murodjon Azimov tadbirkorlik subyektlari uchun ajoyib imkoniyat ekanligini ta’kidlab, sanoat kooperatsiyasi aloqalarini o‘rnatish barcha uchun neft va gaz sanoati, elektr energetikasi, kimyo sanoati, charm-poyabzal sanoati va boshqa sohalar uchun maxsulotlar ishlab chiqarishga ixtisoslashgan yirik korxonalar ishtirok etayotgani quvonarli ekanligini ta’kidladi.
“O‘zbekneftgaz” AJ Boshqaruv raisi Mehriddin Abdullayev ham o‘z nutqida ushbu tadbirda uglevodorodlarni chuqur qayta ishlashga yo‘naltirilgan istiqbolli innovatsion loyihalar taqdimoti bo‘lishi hamda taqdimot tashkil etilishida asosiy maqsad, bugungi kunda “O‘zbekneftgaz” AJning qariyib 15 ta umumiy qiymati 900 mln dollarlik bo‘lgan istiqbolli investitsiya loyihalari hamda boshqarma va ishlab chiqarish korxonalarining 2022—2026-yillarda ishlab chiqarish tadbiq qilinishi nazarda tutilgan 40 ga yaqin ilmiy-innovatsion ehtiyojlarini Respublikaning 15 yaqin oliy ta’lim va ilmiy tekshirish institutlaridan tashrif buyurgan olimlar e’tiboriga taqdim qilish ekanini bildirdi.
“O‘zbekneftgaz” AJ tizimida import mahsulotlarga qaramlikni kamaytirish maqsadida, mahalliy tadbirkorlar hamkorlik memorandumlari imzolanishini ma’lum qildi.
Hududiy sanoat yarmarkada “O‘zbekneftgaz” AJning doimiy hamkorlari hisoblangan korxonalarni mahsulotlariga standartlari yo‘q bo‘lsa ham cooperation.uz ro‘yxatdan o‘tkazish va ular bilan shartnoma imzolashga ruxsat berish masalasi xam muhokama qilindi. Uchrashuv yakuni bilan yuqoridagi masalalarni dolzarbligini inobatga olgan holda ikkitomonlama bayon loyihasi ishlab chiqishga kelishib olindi.
O‘zbekiston neft va gaz sanoati ilmiy-muhandislar jamiyati - “O‘zbekneftgaz” AJning innovatsiya va mahalliylashtirish dasturlari bo‘yicha qilinayotgan barcha yangi ixtirolarni o‘rganib, ekspertlar (olimlar) tomonidan ilmiy asoslangan xulosa olish va ilmiy yondashgan holda patent hamda mualliflik uchun barcha keraklik ilmiy ma’lumotlarni tayyorlab ro‘yxatdan o‘tkazish bo‘yicha hamkorlikni qilish masalalari tashrif buyurganlar bilan muhokama qilindi.
Shuningdek, “O‘zbekneftgaz” AJ tomonidan mahsulotlar, butlovchi buyum, materiallar hamda xizmatlarni mahalliy korxonalar tomonidan yetkazib berish bo‘yicha umumiy qiymati 352,8 mlrd. so‘mlik 112 ta shartnoma tuzildi va moderatsiyaga berildi. Mazkur shartnomalar natijasida filtrlar, sanoat moylari, berkitish-boshqarish qurilmalari, kimyo mahsulotlari, manometr va o‘lchagichlar, podshipniklar, manjetlar, rezinotexnika va elektrotexnika buyumlari, o‘t o‘chirish qurilmalari va boshqalar mahalliy korxonalar tomonidan yetkazib berilishi ta’minlanishi kutilmoqda.
Shu bilan bir qatorda, “O‘zbekneftgaz” AJ tizimida import mahsulotlarga qaramlikni kamaytirish maqsadida mahalliy tadbirkorlar bilan umumiy qiymati 40,9 mlrd. so‘mlik 34 ta hamkorlik memorandumlari imzolandi.
Muborak neft va gaz qazib chiqarish boshqarmasining siquv kompressor stansiyalari (SKS)da qo‘llaniladigan import “Pegasus 805” moylarni “Chilon Lubricants” tomonidan ishlab chiqarilayotgan markasi “SAE 40” moylarni sanoat-tajriba sinovlaridan o‘tkazish hamda kelgusida o‘zlashtirish maqsadida ikkitomonlama “Yo‘l xarita” ishlab chiqish masalasi ko‘rib chiqildi. Bundan tashqari, 10 yildan oshiq muddatda ishlamayotgan Sho‘rtan neft va gaz qazib chiqarish boshqarmasining quduqlarni mukammal ta’mirlashda qo‘llaniladigan “Kenvord yuqori quvvatli nasos”ni va “Kenvord Koltyubing” qurilmasini “DrilFlot- Asia” MCHJ tomonidan ta’mirlash va ishlab chiqarish jarayonida qayta tiklash bo‘yicha memorandum imzolandi.
“O‘zbekneftgaz” AJ matbuot xizmati
Izoh (0)