Forbes jurnali dunyoning eng ko‘p maosh oluvchi futbolchilari ro‘yxatini e’lon qildi.
Jurnal 2022/23-yilgi mavsumda futbolchilarning maosh va bonuslardan oladigan ulushlari, shuningdek, homiylardan, reklama, bizneslardan keladigan daromadlari reytingini tuzdi.
Unga ko‘ra, “PSJ” hujumchisi Kilian Mbappe birinchi o‘rinni egalladi. Fransuzning topadigan daromadi 128 million dollar: 110 million — futboldan keladigan, 18 million esa maydonda tashqarida topadigan daromadi.
Ikkinchi o‘rinni esa uning jamoadoshi Lionel Messi egallagan — 120 million dollar. 65 million futbol orqali, 55 million maydondan tashqarida topadigan daromadi. Kuchli uchlikni “Manchester Yunayted” hujumchisi Krishtianu Ronaldu egallab turibdi. Portugaliyalikning topadigan daromadi 100 million dollar (40+60).
Dunyoning eng ko‘p maosh oluvchi futbolchilari reytingi:
1. Kilian Mbappe (“PSJ”) – 128 mln dollar (110+18);
2. Lionel Messi (“PSJ”) – 120 mln (65+55);
3. Krishtianu Ronaldu (“Manchester Yunayted”) – 100 mln (40+60);
4. Neymar (“PSJ”) – 87 mln (55+32);
5. Muhammad Saloh (“Liverpul”) – 53 mln (35+18);
6. Erling Holand (“Manchester Siti”) – 39 mln (35+4);
7. Robert Levandovski (“Barselona”) – 35 mln (27+8);
8. Eden Azar (“Real”) – 31 mln (27+4);
9. Andres Inyesta (“Vissel Kobe”) – 30 mln (25+5);
10. Kevin de Bryuyne (“Manchester Siti”) – 29 mln (25+4).
Izoh (0)