“Valensiya” hujumchisi Edinson Kavani 2016/17-yilgi mavsumda “PSJ”ga qarshi o‘yinda “Barselona”ning kambekidan so‘ng psixologik yordam olgani haqida gapirdi.
2016/17-yilgi mavsum Chempionlar Ligasi 1/8 finalining birinchi o‘yinida “PSJ” kataloniyaliklar ustidan 4:0 hisobida g‘alaba qozongan. Javob o‘yinida esa “Barselona” kambek qayd etib, 6:1 hisobida g‘alabani ilib ketdi. “Ko‘k-anorranglilar” 88-daqiqadan so‘ng 3 ta gol urib, keyingi bosqichga yo‘l olgan.
Qachon psixologga murojaat qilgani haqidaBirinchi marta “Barselona”ning kambekidan so‘ng psixolog qabulida bo‘lganman. Bu menga juda qattiq ta’sir qilgandi. Seni hayratda qoldiradigan narsalar doim bo‘ladi. Besh daqiqa ichida biz qilgan hamma narsa o‘zgarib ketdi.
Bu nazorat qilish imkonsiz bo‘lgan qattiq zarba edi. Futbol bo‘lsa ham, shaxsiyatning boshqa qismlariga ta’sir qiladi. Xavotirga tushdim, sovuq ter bosardi, uxlaganimda boshim aylanib ketardi. Hattoki uxlashdan qo‘rqib qolgandim.
“Boshimda muammo bormikan?”, — deya o‘ylab qoldim. “PSJ” shifokori yoniga bordim va u menga: “Sen bilan sodir bo‘layotgan narsalar turli sohalarda ko‘p odamlar bilan ham sodir bo‘ladi”, — dedi. Shunda men superqahramon emasligimni tushunib yetdim.
Edinson Kavani, “Valensiya” hujumchisi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)