“PSJ” va Argentina terma jamoasi hujumchisi Lionel Messi Qatarda bo‘lib o‘tadigan Jahon Chempionati u uchun eng so‘ngisi bo‘lishini aytib o‘tdi.
JCH—2022 men uchun oxirgisi bo‘ladimi? Ha, shubhasiz.Jismoniy holatim yaxshi, mavsumoldi yig‘inlarni bir yil oldingidan ko‘ra yaxshiroq o‘tkazdim. O‘shanda mashg‘ulotlarni kech boshladim, o‘yin amaliyoti yo‘q edi, mavsum esa allaqachon boshlanib bo‘lgandi. Shundan so‘ng terma jamoadan jarohat bilan qaytdim va boshlagan ishimni oxirigacha yetkaza olmadim.
Hozir men Jahon Chempionati boshlanishini kutib kunlarni sanayapman, mundial boshlanishini intiqlik bilan kutyapman. Barchasi qanday o‘tishi, qanday tugashini ko‘rmoqchiman. Bir tomondan uni kutyapmiz, ikkinchi tomondan esa musobaqada muvaffaqiyatli ishtirok etishni xohlaymiz.
Barcha o‘yin qiyin kichadi, shuning uchun Jahon Chempionati boshqacha, chunki u yerda favoritlar har doim ham g‘alaba qozona olmaydi va barchasini oldindan taxmin qila olmaysiz.
Bizni asosiy favorit deb hisoblash mumkinmi, yo‘qmi, bilmayman. Ha, Argentina tarixan g‘alabaga da’vogarlar qatorida bo‘lgan, biroq hozir biz favorit emasmiz, imkoniyati yuqoriroq jamoalar bor.
Lionel Messi, “PSJ” klubi va Argentina terma jamoasi hujumchisi
Izoh (0)