7-oktabr kuni Toshkent shahrida “Ipak yo‘lidagi korporativ boshqaruv” Direktorlarining birinchi xalqaro biznes sammiti start oldi.
Ushbu sammitda biznes, mintaqadagi korporativ boshqaruv hamda direktorlar kengashlaridagi holat va tendensiyalarning talabini o‘rganish ko‘zda tutilgan.
Tadbir tashkilotchilari:
- Ipak yo‘li kengashi va boshqaruv instituti (SR BGI),
- O‘zbekistondagi KPMG kompaniyasi,
- Xalqaro Moliya korporatsiyasi (IFC),
- Professional direktorlar uyushmasi (ADI),
- TEAM universiteti.
Sammit qatnashuvchisinig aytishicha, bunday xalqaro biznes sammitining Toshkentda tashkil etilishi tadbirkorlar uchun katta imkoniyatlar eshigini ochadi.
Bugungi sammit O‘zbekistonning barcha yetakchi kompaniyalari rahbarlarining yuqori boshqaruv darajasida to‘planishiga yaxshi sabab. Ishonchim komilki, bu yerda ko‘plab netvorking va yangi biznes aloqalari o‘rnatiladi. Bularning barchasi biznes yuritishda sheriklik istiqbollariga yanada ijobiy ta’sir qiladi, — deydi First Development Group Marketing bo‘limi boshqaruvchisi Go‘zal Qodirova.
Shuningdek, sammitda davlat va xususiy biznes darajasida korporativ boshqaruv amaliyotini shakllantirishning strategik jihatlari muhokama qilindi.
Tashkilotchilar Markaziy Osiyo va Kavkaz mintaqasi mamlakatlari iqtisodiyotlari yuksalgan davrda davlat va xususiy kompaniyalarda korporativ boshqaruv xalqaro trendlar, iqtisodiy landshaft va bozor konyunkturasini hisobga olgan holda rivojlanishi kerakligiga ishonch bildirishdi.
“Bugungi kunda korporativ boshqaruv biznesni barqaror rivojlantirish va investitsiya qarorlarini qabul qilishning asosiy omillaridan biridir. Shu nuqtai nazardan, KPMG xalqaro tashkiloti, ko‘p yillik amaliy tajriba va o‘zining keng uslubiy bazasining mavjudligi asosida Markaziy Osiyo va Kavkazda eng yaxshi amaliyotning yetakchi standartlarini joriy etishga yordam beradi.
Biz muvaffaqiyatli amalga oshirgan loyihalar qatoriga yirik tashkilotlarda, shu jumladan transformatsiya bosqichidan o‘tayotgan davlat va korxonalarida korporativ boshqaruvni amalga oshirish kiradi.
Jamiyat oldida mas’ul bo‘lgan kompaniya sifatida biz o‘z tajribamiz va bilimlarimizni baham ko‘rishdan va Ipak yo‘lidagi korporativ boshqaruv direktorlarining birinchi xalqaro biznes sammiti kabi muhim tadbirni birgalikda tashkil etishdan mamnunmiz”, — dedi KPMG kompaniyasining O‘zbekistondagi boshqaruvchi hamkori Nodirbek Vohidov.
Asosiy yalpi sessiyaning moderatorlari sifatida: Ipak yo‘li kengashi va boshqaruv instituti asoschisi va bosh direktori Aleksandr Ikonnikov, KPMG kompaniyasining O‘zbekistondagi boshqaruvchi hamkori Nodirbek Vohidov, ESG IFC loyihasi rahbari va eksperti Adolat Abdumanapova, Ipak yo‘li kengashi va boshqaruv instituti maslahat kengashi raisi Filip Gajin, TEAM Universiteti asoschisi Hikmat Abdurahmonov va korporativ boshqaruv sohasidagi boshqa yetakchi xalqaro ekspertlar ishtirok etdi.
Bundan tashqari, bugungi kunda korporativ boshqaruv biznesni barqaror rivojlantirish va investitsiya qarorlarini qabul qilishning asosiy omillaridan biri ekani ta’kidlandi.
Qo‘shimcha ma’lumot olish uchun quyidagi shaxslarga murojaat qilishingiz mumkin:
Yelena Tonkonogaya
Elektron pochta: etonkonogaya@nand.ru
Tel.: +7 (991) 222 97 03
Mob.: +7 (916) 299 47 58
Abdurasul Yusupov
Elektron pochta: abdurasul.yusupov@teamuni.uz
Tel.: +998 90 981 76 75
Ma’lumot sheriklik huquqi asosida tayyorlandi
Izoh (0)