O‘zbekiston ochiq ma’lumotlar manbalari soni bo‘yicha dunyoda 4-o‘rinni egalladi. Bu haqda Open Data inception’dan ma’lum bo‘ldi.
Birinchi o‘rinni 641 ta ochiq manba bilan AQSH egalladi. Ikkinchi o‘rinni Fransiya (381) egallagan bo‘lsa, Ispaniya (307) uchinchi bo‘lgan.
O‘zbekistonda ochiq ma’lumot manbalari soni 124 tani tashkil qilgan va bu borada to‘rtinchi bo‘lgan.
Open Data Inception — bu Open Data Soft tomonidan ishlab chiqilgan 2 600 dan ortiq ochiq ma’lumotlar portallarining to‘liq ro‘yxati.
Open Data Inception sayti butun dunyoda keng foydalaniladigan va yirik ochiq ma’lumotlar manbalaridan biri hisoblanadi.
Avvalroq O‘zbekiston global oziq-ovqat xavfsizligi reytingida 73-o‘rinni egallagani haqida xabar berilgan edi.
Izoh (0)