Pul yig‘ish uchun eng samarali texnikalar ma’lum bo‘ldi

Markaziy bankning FinLit loyihasi pul jamg‘arishning 3 turdagi texnikasi haqida ma’lumot berdi.

“Yarim-yarim” texnikasi — eng oddiy usul. Pul jamg‘arishga tayyor bo‘lgan, lekin hisoblashni istamaydigan odamlar uchun qulay texnika hisoblanadi.

Bunda maoshning yarmi jamg‘arma uchun ajratish va shu pullar unutish, ikkinchi yarmini esa kunlik xarajatlar uchun sarflash mumkin.

“60 foiz texnikasi” — moliyaviy maslahatchi Richard Jenkins tomonidan ixtiro qilingan, usulning mohiyati shundaki, daromadning 60 foiz qismini joriy xarajatlar uchun, qolgan qismini esa quyidagicha taqsimlash zarur:

• 10 foiz pensiya jamg‘armalari;
• 10 foiz uzoq muddatli xaridlar va to‘lovlar;
• 10 foiz rejasiz xarajatlar;
• 10 foiz har qanday o‘yin-kulgi.

“50—30—20” texnikasi (E. Uorren) — ushbu texnika bo‘yicha quyidagi uchta yo‘nalishni muvozanatda saqlash zarur:

• Zaruriyat (daromadning 50 foiz qismi): oziq-ovqat, kommunal xizmatlar va boshqalar;
• Istaklar (daromadning 30 foiz qismi): kitoblar, filmlar, kafe va boshqalar;
• Jamg‘arma (daromadning 20 foiz qismi): 10 foiz — moliyaviy yostiqcha, 10 foiz — moliyaviy maqsadlar.

Avvalroq pul tejashda yo‘l qo‘yiladigan xatolar va ularning yechimi haqida xabar berilgandi.