Ўзбекистон очиқ маълумотлар манбалари сони бўйича дунёда 4-ўринни эгаллади. Бу ҳақда Open Data inception’дан маълум бўлди.
Биринчи ўринни 641 та очиқ манба билан АҚШ эгаллади. Иккинчи ўринни Франция (381) эгаллаган бўлса, Испания (307) учинчи бўлган.
Ўзбекистонда очиқ маълумот манбалари сони 124 тани ташкил қилган ва бу борада тўртинчи бўлган.
Open Data Inception — бу Open Data Soft томонидан ишлаб чиқилган 2 600 дан ортиқ очиқ маълумотлар порталларининг тўлиқ рўйхати.
Open Data Inception сайти бутун дунёда кенг фойдаланиладиган ва йирик очиқ маълумотлар манбаларидан бири ҳисобланади.
Аввалроқ Ўзбекистон глобал озиқ-овқат хавфсизлиги рейтингида 73-ўринни эгаллагани ҳақида хабар берилган эди.
Изоҳ (0)