2022-yil boshidan buyon xakerlar 2,3 milliard dollardan ortiq kriptovalyutalarni o‘g‘irlagani ma’lum bo‘ldi. Bu haqda “RBK” xabar bermoqda.
Faqat iyuldan sentabrgacha bo‘lgan davrda 30 ta loyiha xakeri va 9 ta firibgarlik hujumi amalga oshirildi, buning natijasida kriptoplatformalar va ularning foydalanuvchilari 428 million dollardan ko‘proq zarar ko‘rdi.
Uchinchi chorakdagi eng yirik o‘g‘rilik Nomad Bridge loyihasini buzish bo‘lib, u 190 million dollarga tushgan.
Wintermute market-meykeriga qilingan hujumda esa xakerlar tomonidan 160 million dollar o‘g‘irlandi.
Racoon Network va Freedom Protocol ishlab chiquvchilari tomonidan qilingan firibgarlik esa 20 million dollar yo‘qotishga olib keldi.
Barcha yo‘qotishlarning 98,8 foizi kriptomakonining DeFi sektoriga to‘g‘ri keldi. Markazlashtirilgan xizmatlarning yo‘qotishlari umumiy miqdorning atigi 1,2 foizini tashkil etdi: uchta hodisada 5,2 million dollar o‘g‘irlangan.
BNB zanjiri xakerliklarning 28,6 foizini, Efirium tarmog‘i esa 23,2 foizni tashkil etdi. Solana va Avalanche blokcheynlarining 7,1 foizi hujumga uchradi.
Beshinchi o‘rinda 5,4 foiz bilan Polygon, keyingi o‘rinlarda esa Fantom (3,6 foiz), Arbitrum (3,6 foiz) va boshqa zanjirlar (21,4 foiz).
Joriy yilda aniqlangan o‘g‘riliklar natijasida jami 2,32 milliard dollarlik kriptovalyutalar o‘g‘irlangan.
Ularning aksariyati yil boshiga to‘g‘ri kelgan: birinchi chorakda xakerlar 1,22 milliard dollar, ikkinchisida 670 million dollar o‘g‘irlagan.
Izoh (0)