Yevropa Ittifoqining Rossiyaga qarshi sanksiyalarining sakkizinchi to‘plami Rossiya fuqarolarining kripto aktivlariga xizmat ko‘rsatishni taqiqlashni o‘z ichiga oladi. Bu haqda “Kommersant” xabar bermoqda.
Ilgari aktivlari 10 ming yevrogacha bo‘lgan kripto hamyonlarga xizmat ko‘rsatishga ruxsat berilgan edi.
Rossiya fuqarolarining kripto hamyonlari, hisoblari va kripto aktivlarining depozitariylariga, ularning umumiy qiymatidan qat’i nazar, xizmat ko‘rsatish to‘liq taqiqlanadi, — deyiladi Yevropa Ittifoqi bayonotida.
Yevropa Ittifoqi 2022-yil aprel oyida qiymati 10 ming yevrodan ortiq bo‘lgan rus kriptoaktivlariga xizmat ko‘rsatishni taqiqlagandi.
Mutaxassislar shundan so‘ng Rossiya fuqarolari hali ham fuqaroligini tasdiqlashi zarur bo‘lmagan boshqa yurisdiksiyalarda katta miqdorda hamyon ochish yoki undan foydalanish imkoniyatiga ega ekanligini ta’kidladi.
Avvalroq bitkoin 12 ming dollargacha pasayishi kutilayotgani va kriptovalyuta bozorida vaziyat qandayligi haqida xabar berilgandi.
Izoh (0)