Йил бошидан бери 2,3 миллиард доллардан ортиқ криптовалюта ўғирлангани маълум бўлди

2022 йил бошидан буён хакерлар 2,3 миллиард доллардан ортиқ криптовалюталарни ўғирлагани маълум бўлди. Бу ҳақда «РБК» хабар бермоқда.

Фақат июлдан сентябргача бўлган даврда 30 та лойиҳа хакери ва 9 та фирибгарлик ҳужуми амалга оширилди, бунинг натижасида криптоплатформалар ва уларнинг фойдаланувчилари 428 миллион доллардан кўпроқ зарар кўрди.

Учинчи чоракдаги энг йирик ўғрилик Nomad Bridge лойиҳасини бузиш бўлиб, у 190 миллион долларга тушган.

Wintermute маркет-мейкерига қилинган ҳужумда эса хакерлар томонидан 160 миллион доллар ўғирланди.

Racoon Network ва Freedom Protocol ишлаб чиқувчилари томонидан қилинган фирибгарлик эса 20 миллион доллар йўқотишга олиб келди.

Барча йўқотишларнинг 98,8 фоизи криптомаконининг DeFi секторига тўғри келди. Марказлаштирилган хизматларнинг йўқотишлари умумий миқдорнинг атиги 1,2 фоизини ташкил этди: учта ҳодисада 5,2 миллион доллар ўғирланган.

BNB занжири хакерликларнинг 28,6 фоизини, Efirium тармоғи эса 23,2 фоизни ташкил этди. Solana ва Avalanche блокчейнларининг 7,1 фоизи ҳужумга учради.

Бешинчи ўринда 5,4 фоиз билан Polygon, кейинги ўринларда эса Fantom (3,6 фоиз), Arbitrum (3,6 фоиз) ва бошқа занжирлар (21,4 фоиз).

Жорий йилда аниқланган ўғриликлар натижасида жами 2,32 миллиард долларлик криптовалюталар ўғирланган.

Уларнинг аксарияти йил бошига тўғри келган: биринчи чоракда хакерлар 1,22 миллиард доллар, иккинчисида 670 миллион доллар ўғирлаган.