Toshkent viloyati O‘rta Chirchiq tumanidagi yangi qurilayotgan binoda yong‘in chiqqani aytilgan videoxabarlar tarqalgandi. FVV holat yuzasidan ma’lumot berdi.
Unda aytilishicha, 4-oktabr kuni soat 20:04 da Toshkent viloyati FVBga O‘rta Chirchiq tumani, “O‘choqli” MFY, Majnuntol ko‘chasida joylashgan Wort Baraka Biznes MCHJ ga qarashli binoda yong‘in bo‘layotgani to‘g‘risida xabar kelib tushgan.
Voqea joyiga viloyat FVB rahbari boshchiligida 5 ta yong‘in-qutqaruv ekipaji jalb etilgan. Yong‘in oqibatida bino ichidagi yog‘och materiallar yongan. Yong‘in soat 20:33 da o‘rab olinib, soat 20:59 da batamom o‘chirilgan.
Yong‘indan binoning 800 kvadrat metr maydoni saqlab qolingan. Ayni paytda yong‘in sababi va zarari aniqlanmoqda.
Izoh (0)