Тошкент вилояти Ўрта Чирчиқ туманидаги янги қурилаётган бинода ёнғин чиққани айтилган видеохабарлар тарқалганди. ФВВ ҳолат юзасидан маълумот берди.
Унда айтилишича, 4 октябрь куни соат 20:04 да Тошкент вилояти ФВБга Ўрта Чирчиқ тумани, «Ўчоқли» МФЙ, Мажнунтол кўчасида жойлашган Wорт Барака Бизнес МЧЖ га қарашли бинода ёнғин бўлаётгани тўғрисида хабар келиб тушган.
Воқеа жойига вилоят ФВБ раҳбари бошчилигида 5 та ёнғин-қутқарув экипажи жалб этилган. Ёнғин оқибатида бино ичидаги ёғоч материаллар ёнган. Ёнғин соат 20:33 да ўраб олиниб, соат 20:59 да батамом ўчирилган.
Ёнғиндан бинонинг 800 квадрат метр майдони сақлаб қолинган. Айни пайтда ёнғин сабаби ва зарари аниқланмоқда.
Изоҳ (0)