Jazeera Airways aviakompaniyasi Kuvayt—Namangan—Kuvayt yo‘nalishida ilk parvozini amalga oshirdi. Bu haqda “Daryo” muxbiri Azizbek Abduvaliyev xabar bermoqda.
An’anaga muvofiq, aviakompaniya havo kemasi Namangan xalqaro aeroportida suv arkasi hosil qilingan holatda tantanali kutib olindi.
Aviakompaniyaning A-321 rusumli samolyoti Namangandan Kuvaytga 160 nafar yo‘lovchini olib ketdi.
Jazeera Airways, Namangan viloyat hokimligi va Namangan xalqaro aeroporti mutasaddilari ishtirokida matbuot anjumani tashkil etilib, OAV vakillarini qiziqtirgan savollarga javoblar berildi.
Namangan xalqaro aeroporti ma’muriyatining “Daryo”ga ma’lum qilishicha, Kuvayt—Namangan—Kuvayt yo‘nalishidagi aviaqatnovlar haftada uch marotaba muntazam amalga oshirilishi rejalashtirilgan.
Ma’lumot uchun, Jazeera Airways Kuvayt milliy aviakompaniyasi bo‘lib, 2004-yildan beri Pokiston, Hindiston, Shri-Lanka, Nepal, Yaqin Sharq va Yevropa davlatlariga parvozlarni amalga oshirib kelmoqda. Ushbu aviakompaniya 2021-yili Kuvayt—Toshkent yo‘nalishi bo‘yicha reysni ham yo‘lga qo‘ygandi.
Mavzuga doir:
Jazeera Airways Namanganga muntazam parvozlarni 30-sentabrdan amalga oshirishi kutilmoqda
Izoh (0)