Jazeera Airways авиакомпанияси Кувайт—Наманган—Кувайт йўналишида илк парвозини амалга оширди. Бу ҳақда «Дарё» мухбири Азизбек Абдувалиев хабар бермоқда.
Анъанага мувофиқ, авиакомпания ҳаво кемаси Наманган халқаро аэропортида сув аркаси ҳосил қилинган ҳолатда тантанали кутиб олинди.
Авиакомпаниянинг А-321 русумли самолёти Намангандан Кувайтга 160 нафар йўловчини олиб кетди.
Jazeera Airways, Наманган вилоят ҳокимлиги ва Наманган халқаро аэропорти мутасаддилари иштирокида матбуот анжумани ташкил этилиб, ОАВ вакилларини қизиқтирган саволларга жавоблар берилди.
Наманган халқаро аэропорти маъмуриятининг «Дарё»га маълум қилишича, Кувайт—Наманган—Кувайт йўналишидаги авиақатновлар ҳафтада уч маротаба мунтазам амалга оширилиши режалаштирилган.
Маълумот учун, Jazeera Airways Кувайт миллий авиакомпанияси бўлиб, 2004 йилдан бери Покистон, Ҳиндистон, Шри-Ланка, Непал, Яқин Шарқ ва Европа давлатларига парвозларни амалга ошириб келмоқда. Ушбу авиакомпания 2021 йили Кувайт—Тошкент йўналиши бўйича рейсни ҳам йўлга қўйганди.
Мавзуга доир:
Jazeera Airways Наманган—Кувайт—Наманган йўналишида доимий рейсларни йўлга қўйишни режалаштирмоқда
Jazeera Airways Наманганга мунтазам парвозларни 30 сентябрдан амалга ошириши кутилмоқда
Изоҳ (0)