Futbol bo‘yicha U-23 Osiyo Kubogi—2024 musobaqasiga Qatar mezbonlik qilishi mumkin.
OFK Musobaqalar o‘tkazish bo‘limi mezbonlik uchun Qatar nomzodini tavsiya qilgan. Bu borada yakuniy qaror 17-oktabr kungi OFK Ijroqo‘mi yig‘ilishida e’lon qilinadi.
Shuningdek, O‘zbekiston, Eron, Saudiya Arabistoni va BAA kabi mamlakatlar ham ushbu musobaqani o‘zida o‘tkazish xohishini bildirgandi.
Mazkur musobaqa 2024-yilgi Parij Olimpiya o‘yinlariga yo‘llanmani taqdim etadi. Dastlabki uch o‘rinni egallagan jamoalar to‘g‘ridan to‘g‘ri litsenziyani qo‘lga kiritsa, to‘rtinchi jamoa pley-offda ishtirok etadi.
Qatar mezbonligidagi U-23 Osiyo Kubogi 2024-yilning yanvar oyida o‘tkazilishi mumkin. Agar Osiyo Kubogi—2023 mezbonligi Qatarga beriladigan bo‘lsa, u holda yoshlar o‘rtasidagi musobaqa 2024-yilning mart oyiga ko‘chiriladi.
Izoh (0)