Latviya hukumati mamlakatning Rossiya bilan chegaradosh hududlarida favqulodda holat joriy qildi. Bu haqda Latviya hukumati saytida xabar berilgan.
Favqulodda holat rejimi Latviyaning Aluksne, Balvi va Ludza viloyatlarida 28-sentabrdan boshlab uch oy davomida amal qiladi. Rejim aeroportlar, dengiz va temir yo‘l orqali chegaralar kesib o‘tiladigan joylarga ham taalluqli.
Favqulodda holatning joriy etilishi chegarada noqonuniy muhojirlar sonining ko‘payishi xavfi bilan izohlanmoqda.
Hozirda Latviya va Rossiya chegarasida vaziyat barqaror, osoyishta va qattiq nazorat ostida, biroq Rossiyada safarbarlik e’lon qilinishi bilan o‘z mamlakatini tark etishni istagan rossiyaliklar soni sezilarli darajada oshdi. Shu sabab Latviya—Rossiya chegarasida ham noqonuniy muhojirlar sonining tez sur’atlar bilan ko‘payishi xavfi mavjud. Favqulodda choralarning maqsadi unga oldindan tayyorgarlik ko‘rishdir, — deyiladi xabarda.Rossiya Federatsiyasida safarbarlik boshlanganidan so‘ng, mamlakatning Yevropa Ittifoqi mamlakatlari bilan chegarasini kesib o‘tgan rossiyaliklar soni 30 foizga oshdi. Ularning aksariyati YIga Finlyandiya va Estoniya orqali kirmoqda.
Izoh (0)