Bugun,

  • USD 11014.01
  • RUB 191.8
  • EUR 10674.78

Estoniya, Litva, Latviya va Polsha 19-sentabrdan rossiyaliklarning o‘z hududlariga kirishini taqiqladi, bu uchinchi davlatlar tomonidan berilgan Shengen vizasi bo‘lgan rossiyaliklarga ham tegishlidir, deb yozadi “RBK”.

Foto: “RIA Novosti”

Foto: “RIA Novosti”

“Latviya, Litva va Polsha bilan birgalikda biz jamoat tartibi va xavfsizligini himoya qilish maqsadida Rossiya fuqarolari uchun turizmga nisbatan umumiy cheklovlarni kiritishga qaror qildik, — dedi Estoniya bosh vaziri Kaya Kallas. — Yevroittifoqning chegara yaqinidagi davlatlari sifatida, biz Yevropa xavfsizligini ta’minlashimiz kerak”.

Uning so‘zlariga ko‘ra, Yevropa Ittifoqiga safar qilish — insonning huquqi emas, balki imtiyozdir. “Ayni paytda Yevroittifoqqa Estoniya orqali kirib kelayotgan Rossiya fuqarolari xavfsizlikka tahdid yaratmasligini kafolatlash imkoni yo‘q. Mintaqaviy kelishuvga erishildi va endi biz butun Yevropa Ittifoqida Rossiya fuqarolari uchun sayyohlik cheklovlari ustida ishlashda davom etamiz”, — deya ta’kidladi Kallas.

19-sentabr, dushanba kuni 00:00 dan kuchga kirgan cheklovlarga muvofiq, sayohat qilish maqsadidagi rossiyaliklar to‘rtta Yevropa mamlakatiga kiritilmayapti. Shu bilan birga ta’kidlanishicha, taqiq barcha fuqarolar uchun ham amal qilmaydi.

Polsha va Boltiq mamlakatlari rossiyalik sayyohlar uchun Yevroittifoqqa kirishni to‘liq taqiqlashni yoqlab chiqdi, ammo bu qaror boshqa mamlakatlar tomonidan qo‘llab-quvvatlanmadi. Buning o‘rniga, Yevroittifoq Rossiya bilan soddalashtirilgan tartibda vizalar berish haqidagi kelishuvni to‘xtatib qo‘yishga qaror qildi.

Shengen bitimi uning tarkibiga kiruvchi davlatlarning butun hududi bo‘ylab erkin ko‘chib yurishni kafolatlaydi. Ayni vaqtda Yevroittifoqning tashqi chegaralari orqali kirish masalalarini har bir mamlakat mustaqil nazorat qiladi.

Rossiya bilan chegaradosh bo‘lgan Finlyandiya o‘z hududiga kirishni taqiqlash g‘oyasiga qo‘shilmadi. Mamlakat hukumati bunday qarorlar Yevroittifoq darajasida qabul qilinishi kerak, degan fikrni bildirdi. Shu bilan birga, Finlyandiya berilayotgan vizalar sonini sezilarli darajada qisqartirdi.

Avvalroq Latviya, Litva va Estoniya Shengen vizasiga ega Rossiya va Belarus fuqarolari uchun quruqlik chegaralarini kesib o‘tishni sezilarli darajada cheklashga kelishib olgan edi.

Shuningdek, rossiyaliklarning Gruziya hududiga kirishi ommaviy ravishda taqiqlana boshladi.

Izoh
Asosiy yangiliklar
Dunyo
Lenin bilan uchrashgan Gerbert Uells, arab davlatlari va Isroil o‘rtasidagi “Oxirzamon urushi” va rus generalining harbiy gospitaldan quvilishi. Kun xronologiyasid...
Dunyo
Ramzan Qodirovga general-polkovnik unvoni berildi
Mahalliy
O‘zbekistonda 8 ta yangi yo‘nalishda temiryo‘l qatnovlari tashkil etilib, 34 ta zamonaviy elektropoyezd xarid qilinadi