Saudiya Arabistoni qiroli Salmon bin Abdulaziz Al Saudning farmoni bilan valiahd shahzoda Muhammad bin Salmon Al Saud qirollik bosh vaziri etib tayinlandi. Bu haqda Al Arabiya xabar berdi.
Shu bilan birga, hujjatda “qirol ishtirokidagi hukumat yig‘ilishlari uning raisligida o‘tkazilishi” ko‘rsatilgan.
Bungacha Saudiya Arabistoni bosh vaziri qirolning o‘zi, valiahd shahzoda esa bosh vazirning birinchi o‘rinbosari va mudofaa vaziri bo‘lgan.
Saudiya qirolining xuddi shu farmoni bilan Xolid bin Salmon bin Abdulaziz Mudofaa vazirligi rahbari etib tayinlandi.
Izoh (0)