Toshkentga uchib kelgan yo‘lovchilar uchun yangilangan CIP-zal ishga tushdi

Toshkentga uchib kelgan yo‘lovchilar uchun yangilangan CIP-zal ishga tushirildi. Bu haqda Uzbekistan Airports axborot xizmati xabar berdi.

Qayd etilishicha, poytaxtga yetib kelgan yo‘lovchilar uchun yangilangan CIP-zal Toshkent xalqaro aeroporti uchib ketish terminalining birinchi qavatida joylashgan.

Yo‘lovchilarga qulaylik yaratish maqsadida zalda alohida pasport nazorati kabinalari, yuklarni tezlashtirilgan tartibda yetkazib berish, bepul Wi-Fi, 75 o‘rinli yumshoq kreslolar, turli xil ichimliklar mavjud. Bundan tashqari, zalda Duty free do‘koni ochilmoqda. Yo‘lovchilar samolyotdan CIP-zalga maxsus qulay avtobuslarda olib kelinadi.

Toshkentga uchib kelgan yo‘lovchilar uchun CIP-zaldan o‘tish narxi 350 ming so‘mni tashkil qiladi.

Mavzuga doir:

• O‘zbekistondagi aeroportlar uchun onlayn tablo ishga tushirildi
• Toshkent xalqaro aeroportida noqonuniy taksichilar bilan bog‘liq muammolarni bartaraf etish yuzasidan topshiriqlar berildi