Тошкентга учиб келган йўловчилар учун янгиланган CIP-зал ишга туширилди. Бу ҳақда Uzbekistan Airports ахборот хизмати хабар берди.
Қайд этилишича, пойтахтга етиб келган йўловчилар учун янгиланган CIP-зал Тошкент халқаро аэропорти учиб кетиш терминалининг биринчи қаватида жойлашган.
Йўловчиларга қулайлик яратиш мақсадида залда алоҳида паспорт назорати кабиналари, юкларни тезлаштирилган тартибда етказиб бериш, бепул Wi-Fi, 75 ўринли юмшоқ креслолар, турли хил ичимликлар мавжуд. Бундан ташқари, залда Duty free дўкони очилмоқда. Йўловчилар самолётдан CIP-залга махсус қулай автобусларда олиб келинади.
Тошкентга учиб келган йўловчилар учун CIP-залдан ўтиш нархи 350 минг сўмни ташкил қилади.
Мавзуга доир:
Изоҳ (0)