O‘zbekistonda banklar tomonidan 2022—2023-o‘quv yili uchun 27 897 ta talaba uchun 317 mlrd so‘mdan ortiq imtiyozli ta’lim kreditlari ajratilgan. Bu haqda Markaziy bank boshqarma boshlig‘i o‘rinbosari Shohruh Egamnazarov ma’lum qildi.
Ta’kidlanishicha, kreditlarning 242 mlrd so‘mi yoki 76 foizi ayollar hisobiga to‘g‘ri keladi.
Joriy yildan boshlab O‘zbekistonda xotin-qizlarga banklar tomonidan foizsiz ta’lim krediti ajratish tartibi joriy qilingan.
12 ta bank bu kabi ta’lim krediti ajratish uchun Moliya vazirligi bilan bitim imzolagan. Bular quyidagilar:
- Mikrokredit bank;
- Asaka bank;
- Agrobank;
- Xalq banki;
- Ipoteka bank;
- Qishloq qurilish bank;
- Turon bank;
- Orient finans bank;
- Milliy bank;
- O‘zsanoatqurilishbank;
- Hamkorbank;
- Aloqa bank.
Mavzuga doir:
Izoh (0)