O‘zbekistonda tez tibbiy yordam tizimini innovatsion usullarda rivojlantirishga kirishilgan. Xususan, tez yordam brigadalari va operatorlari faoliyati call back tizimi orqali baholab borilmoqda.
Aholiga sifatli tez tibbiy yordam ko‘rsatish 103 xizmati xodimlaridan katta mas’uliyat talab etadi. Hozirgi kunda bordi-yu yurtdoshlarimizdan tizim shifokor va hamshiralari o‘z xizmat vazifalariga sovuqqonlik bilan yondashayotgani haqida e’tirozlar kelib tushganda yangi — “Tibbiy yo‘nalish nazorati” guruhi orqali muammoni bartaraf etish choralari ko‘riladi, — deydi Respublika tez tibbiy yordam markazining Tez tibbiy yordam xizmatini muvofiqlashtiruvchi dispetcherlik markazi rahbari Davlatbek Yuldashev.Xususan, endilikda ushbu zamonaviy tizim tomonidan tez tibbiy yordam ko‘chma brigadalarining xizmat vazifalarini o‘z vaqtida va to‘laqonli bajarishi nazorat qilib boriladi.
Shuningdek, yangi — call back dasturi orqali tibbiy brigadalar va Call-markaz operatorlari faoliyatini baholab borish mexanizmi ham yo‘lga qo‘yildi. E’tiborlisi, avgust oyining so‘nggi o‘n kunligida Toshkent shahri 103 xizmatiga kelib tushgan 39 ming 492 ta murojaatdan 30 ming 595 tasi tahlil qilinib, fuqarolar tomonidan 24 ming 729 ta chaqiriq sifati a’lo, 4 ming 325 tasi yaxshi, 14 tasi esa qoniqarsiz, deya baholandi. 1527 ta holatda esa fuqarolar tomonidan qo‘ng‘iroqqa javob berilmagan.
Qolaversa, “free PBX” dasturi yordamida barcha tez tibbiy yordam xizmatiga kiruvchi va chiquvchi qo‘ng‘iroqlar audioyozuvi nazorat qilinyapti. Bu orqali qaysi operator faol, qaysi biri sust ishlayotgani hamda o‘z vaqtida javob berilmagan barcha qo‘ng‘iroqlar monitoring qilib borilmoqda.
Izoh (0)