Ўзбекистонда тез тиббий ёрдам тизимини инновацион усулларда ривожлантиришга киришилган. Хусусан, тез ёрдам бригадалари ва операторлари фаолияти call back тизими орқали баҳолаб борилмоқда.
Аҳолига сифатли тез тиббий ёрдам кўрсатиш 103 хизмати ходимларидан катта масъулият талаб этади. Ҳозирги кунда борди-ю юртдошларимиздан тизим шифокор ва ҳамширалари ўз хизмат вазифаларига совуққонлик билан ёндашаётгани ҳақида эътирозлар келиб тушганда янги — «Тиббий йўналиш назорати» гуруҳи орқали муаммони бартараф этиш чоралари кўрилади, — дейди Республика тез тиббий ёрдам марказининг Тез тиббий ёрдам хизматини мувофиқлаштирувчи диспетчерлик маркази раҳбари Давлатбек Юлдашев.Хусусан, эндиликда ушбу замонавий тизим томонидан тез тиббий ёрдам кўчма бригадаларининг хизмат вазифаларини ўз вақтида ва тўлақонли бажариши назорат қилиб борилади.
Шунингдек, янги — call back дастури орқали тиббий бригадалар ва Call-марказ операторлари фаолиятини баҳолаб бориш механизми ҳам йўлга қўйилди. Эътиборлиси, август ойининг сўнгги ўн кунлигида Тошкент шаҳри 103 хизматига келиб тушган 39 минг 492 та мурожаатдан 30 минг 595 таси таҳлил қилиниб, фуқаролар томонидан 24 минг 729 та чақириқ сифати аъло, 4 минг 325 таси яхши, 14 таси эса қониқарсиз, дея баҳоланди. 1527 та ҳолатда эса фуқаролар томонидан қўнғироққа жавоб берилмаган.
Қолаверса, «фрее ПБХ» дастури ёрдамида барча тез тиббий ёрдам хизматига кирувчи ва чиқувчи қўнғироқлар аудиоёзуви назорат қилиняпти. Бу орқали қайси оператор фаол, қайси бири суст ишлаётгани ҳамда ўз вақтида жавоб берилмаган барча қўнғироқлар мониторинг қилиб борилмоқда.
Изоҳ (0)