Politsiya Tailandning Pattaya shahrida qirg‘izistonlik ayolning o‘limidan so‘ng ayollarni fohishalikka jalb qilishda ayblangan xitoylik jinoiy guruhni qidirish ishlarini boshladi, deya xabar beradi Reuters.
Qirg‘iziston fuqarosi, 30 yoshli Anara Seytalyeva 16-sentabr kuni Chonburi shtatining Pattaya shahridagi Khao Phrabat Thap Phraya hashamatli kondominiumning yettinchi qavatidan sakrab, o‘z joniga qasd qilgan.
Uning jasadi 10 000 bat qiymatidagi banknotalar bilan atrofga sochilgan holda topilgan. Xodimlar uning qoldiqlarini ekspertiza qilish uchun sud-tibbiyot institutiga olib ketishdi.
Politsiyaning ma‘lum qilishicha, Anara 13-sentyabr kuni Pattaya shahar politsiya bo‘limiga ariza bilan murojaat qilib, Pattaya va Bangkokda ikki oydan ortiq vaqt davomida xitoylik gangsterlar tomonidan aldanib, fohishalikka majburlanganini da’vo qilgan.
Xabar qilinishicha, odam savdosida gumon qilinganlar uni Laosdagi qo‘ng‘iroqlar markaziga olib borishdan avval 20 000 baht (540 AQSH dollari) oylik maosh to‘laydigan turizm bilan bog‘liq ish va’dasi orqali Tailandga olib kelib, u yerda uning pasporti olib qo‘yishgan.
Biroq keyinchalik uni Bangkokka qaytarib olib kelib, asosan Xitoy va Yevropadan kelganlar uchun fohishalik xizmatlarini ko‘rsatishga majbur qilishgan.
Izoh (0)