Полиция Таиланднинг Паттая шаҳрида қирғизистонлик аёлнинг ўлимидан сўнг аёлларни фоҳишаликка жалб қилишда айбланган хитойлик жиноий гуруҳни қидириш ишларини бошлади, дея хабар беради Reuters.
Қирғизистон фуқароси, 30 ёшли Анара Сейталева 16 сентябрь куни Чонбури штатининг Паттая шаҳридаги Khao Phrabat Thap Phraya ҳашаматли кондоминиумнинг еттинчи қаватидан сакраб, ўз жонига қасд қилган.
Унинг жасади 10 000 бат қийматидаги банкноталар билан атрофга сочилган ҳолда топилган. Ходимлар унинг қолдиқларини экспертиза қилиш учун суд-тиббиёт институтига олиб кетишди.
Полициянинг маълум қилишича, Анара 13-сентябр куни Паттая шаҳар полиция бўлимига ариза билан мурожаат қилиб, Паттая ва Бангкокда икки ойдан ортиқ вақт давомида хитойлик гангстерлар томонидан алданиб, фоҳишаликка мажбурланганини даъво қилган.
Хабар қилинишича, одам савдосида гумон қилинганлар уни Лаосдаги қўнғироқлар марказига олиб боришдан аввал 20 000 баҳт (540 АҚШ доллари) ойлик маош тўлайдиган туризм билан боғлиқ иш ваъдаси орқали Таиландга олиб келиб, у ерда унинг паспорти олиб қўйишган.
Бироқ кейинчалик уни Бангкокка қайтариб олиб келиб, асосан Хитой ва Европадан келганлар учун фоҳишалик хизматларини кўрсатишга мажбур қилишган.
Изоҳ (0)