Farg‘ona shahrida qarovsiz qoldirilgan velosipedni o‘g‘irlagan ayolga nisbatan jinoyat ishi qo‘zg‘atildi. Bu haqda viloyat ichki ishlar boshqarmasi axborot xizmati xabar berdi.
Ma’lum bo‘lishicha, 6-sentabrdan 7-sentabrga o‘tar kechasi T.I. ismli ayol Quvasoy ko‘chasidagi ko‘p qavatli uyda yashovchi Yu.M.ning yashash xonadoni oldida qarovsiz qolgan 1,4 million so‘mlik velosipedini yashirin ravishda o‘g‘irlab, hodisa joyidan yashiringan.
Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 169-moddasi 1-qismi (o‘g‘rilik) bilan jinoyati ishi qo‘zg‘atilgan. Yuqorida ko‘rsatilgan jinoyatni sodir etgan shaxs 3 yilgacha ozodlikdan mahrum qilish bilan jazolanishi mumkin.
Avvalroq Farg‘onada xonadondan tilla taqinchoqlar va 600 dollarni o‘g‘irlagan voyaga yetmagan shaxs ushlangani xabar qilingandi.
Izoh (0)