Moskva birjasi 3-oktabrdan boshlab hisob-kitoblarni amalga oshirishda yuzaga kelishi mumkin bo‘lgan xavf va qiyinchiliklar tufayli valyuta bozorida funt-sterlingdagi savdolarini to‘xtatadi. Bu haqda birja matbuot xizmati xabar bermoqda.
Cheklovlar birja va birjadan tashqari rejimlarda Britaniya funti — Rossiya rubli (GBP/RUB) va Britaniya funti — AQSH dollari (GBP/USD) valyuta juftliklaridagi spot va ayirboshlash vositalariga nisbatan qo‘llanadi.
2022-yil 30-sentabrgacha bo‘lgan muddatda oldindan tuzilgan shartnomalar bo‘yicha majburiyatlarni bajarish odatdagidek amalga oshiriladi.
Hisobotda ta’kidlanishicha, Moskva birjasi korrespondent banklar bilan savdoni qayta tiklash uchun ishlamoqda, bu haqda keyinroq e’lon qilinadi.
Avvalroq Ukrainaning ayrim hududlarida Rossiya tarkibiga qo‘shilish bo‘yicha referendum o‘tkazish haqidagi xabarlar fonida Moskva birjasi indeksi keskin pasayib ketgan edi.
Izoh (0)