Moskva birjasi indeksi 2200 punktdan pastga tushdi. Bu kechagi savdolar yopilganidan beri 10 foizdan ortiq pasayishdir, deya xabar bermoqda “Kommersant”.
Pasayish Ukrainaning ayrim hududlarida Rossiya tarkibiga qo‘shilish bo‘yicha referendum o‘tkazish haqidagi xabarlar fonida sodir bo‘ldi.
Toshkent vaqti bilan 17:09 holatiga ko‘ra, Moskva birjasi indeksi 2 172 punktgacha pasaydi. 17:13 ga kelib bu ko‘rsatkich 2 255 ga ko‘tarildi.
Yetakchi kompaniyalarning aksiyalari ham tusha boshladi:
- TCS Group — 13,7 foizga;
- OZON — 11,7 foizga;
- Polymetal — 11,6 foizga;
- Novatek — 11,3 foizga;
- Yandex — 10,8 foizga;
- “Gazprom Neft” — 10,1 foizga;
- AFK Sistema — 10 foizga;
- “Surgutneftegaz” — 9,6 foizga;
- “Gazprom” — 9,1 foizga;
- Lukoil — 9 foizga;
- “Rosneft” — 8,6 foizga o‘z aksiyalari qiymatini yo‘qotdi.
20-sentabr kuni tushdan keyin Lugansk va Donetsk xalq respublikalari xalq kengashlari viloyatlar jamoat palatalari chaqirig‘i bilan Rossiya tarkibiga qo‘shilish bo‘yicha referendum o‘tkazish to‘g‘risidagi qonunlarni qabul qildi.
Shuningdek, Xerson viloyati harbiy-fuqarolik ma’muriyati ham xuddi shunday referendum o‘tkazishga rozi bo‘ldi.
Shuningdek, kotirovkalarga tovar eksportchilariga soliq yukini oshirish muhokamasi haqidagi xabarlar ta’sir ko‘rsatdi.
Izoh (0)