Москва биржаси 3 октябрдан бошлаб ҳисоб-китобларни амалга оширишда юзага келиши мумкин бўлган хавф ва қийинчиликлар туфайли валюта бозорида фунт-стерлингдаги савдоларини тўхтатади. Бу ҳақда биржа матбуот хизмати хабар бермоқда.
Чекловлар биржа ва биржадан ташқари режимларда Британия фунти — Россия рубли (ГБП/РУБ) ва Британия фунти — АҚШ доллари (ГБП/USD) валюта жуфтликларидаги спот ва айирбошлаш воситаларига нисбатан қўлланади.
2022 йил 30 сентябргача бўлган муддатда олдиндан тузилган шартномалар бўйича мажбуриятларни бажариш одатдагидек амалга оширилади.
Ҳисоботда таъкидланишича, Москва биржаси корреспондент банклар билан савдони қайта тиклаш учун ишламоқда, бу ҳақда кейинроқ эълон қилинади.
Аввалроқ Украинанинг айрим ҳудудларида Россия таркибига қўшилиш бўйича референдум ўтказиш ҳақидаги хабарлар фонида Москва биржаси индекси кескин пасайиб кетган эди.
Изоҳ (0)