«Дарё» нашри 21 сентябрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Путин Россияда қисман сафарбарлик эълон қилди
Россия президенти Владимир Путин Россияда қисман сафарбарлик эълон қилиш ҳақидаги фармонни имзоладиУнинг айтишича, муддатли ҳарбий хизматга фақат ҳозирда захирада бўлганлар, биринчи навбатда, Қуролли кучлар сафида муддатли ҳарбий хизматни ўтаган, муайян ҳарбий мутахассислик ва тегишли тажрибага эга бўлган фуқароларгина чақирилади. Шунингдек улар бўлинмаларга жўнатилишдан олдин «махсус ҳарбий операция» учун қўшимча ҳарбий тайёргарликдан ўтади.
Сафарбарлик тадбирлари 21 сентябрь куни бошланади. Россия мудофаа вазири Сергей Шойгунинг айтишича, қисман сафарбарлик чоғида 300 минг захирадаги аскар чақирилади.
Россияда қисман сафарбарлик эълон қилингач, Москвадан Истанбул, Тошкент ва Тбилисига чипталар тезликда сотилиб кетди. Ушбу эълондан сўнг мамлакат фонд бозори қулади. ҳозирда сафарбарликка қарши петицияни ўн минглаб одамлар имзолади. Ушбу эълондан сўнг мамлакат фонд бозори қулади.
Миграция агентлиги ва бош прокуратура Россиядаги ўзбекистонликларга мурожаат билан чиқди
Ташқи меҳнат миграцияси агентлиги Россияда бўлиб турган Ўзбекистон фуқароларига мурожаат билан чиқди. Қайд этилишича, ижтимоий тармоқларда Россия Федерацияси ҳудудларида давлат расман рухсат бермаган оммавий намойишлар ўтказилиши режалаштирилаётгани ҳақида турли хабарлар тарқалмоқда.
Шу муносабат билан Ташқи меҳнат миграцияси агентлиги ушбу давлатда бўлиб турган Ўзбекистон фуқароларидан бундай оммавий намойишларда иштирок этмасликни, Россия Федерацияси қонунларига риоя этишни ва одамлар кўп тўпланаётган жойларга бормасликни сўрайди. Қолаверса, Бош прокуратура Россиядаги ўзбекистонликларни ҳарбий ҳаракатларга қўшилмасликка чақирди
Ўзга давлат ҳудудида унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиш беш йилдан ўн йилгача озодликдан маҳрум қилиш билан жазоланади.
Оқ уй Донбассдаги референдумларни суверенитет тамойилларини ҳақорат қилиш деб ҳисоблади
АҚШ, Польша, Германия, Франция, Эстония Донбасс, Херсон ва Запорожьенинг Россия таркибига кириши бўйича референдумларни тан олмаслигини эълон қилди, дея хабар беради «РБК».
АҚШнинг Миллий хавфсизлик бўйича маслаҳатчиси Жейк Салливаннинг айтишича: АҚШ Украина ҳудудларининг бир қисмини Россияга қўшиб олишга уринишни ҳеч қачон тан олмайдиДонецк ва Луганск халқ республикаларида, шунингдек, Москва назоратидаги Херсон ва Запорожье вилоятларида Россияга қўшилиш бўйича референдумлар ўтказиш унга «музокаралар столида қўшимча устунлик бермайди. Бу референдумлар суверенитет ва ҳудудий яхлитлик тамойилларини ҳақорат қилишдир.АҚШ президенти ёрдамчисининг қўшимча қилишича, кейинроқ Америка етакчиси Жо Байден БМТ Бош ассамблеясидаги нутқи чоғида жаҳон ҳамжамиятини Россиянинг Украинадаги ҳаракатларига қаршилик кўрсатишга чақиради.
Изоҳ (0)