Amerikaning The New York Times (NYT) gazetasi 1945-yilda Xirosima va Nagasakiga berilgan yadroviy zarbani “yuz minglab odamlar hayotini saqlab qolgan voqea” deb baholadi.
Amerika qo‘shinlari tomonidan Yaponiya shaharlarini bombardimon qilinganining 80 yilligi munosabati arafasida nashr “80 yil oldin atom bombasi behisob insonlar hayotini saqlab qoldi” sarlavhali maqolani e’lon qildi.
Nashrning ta’kidlashicha, bu qaror “to‘g‘ri bo‘lgan” va u nafaqat yuz minglab AQSH fuqarolarini, balki “janglarda halok bo‘lishi mumkin bo‘lgan millionlab yaponlarni” ham qutqarib qolgan.
Amerika qurolli kuchlari Ikkinchi jahon urushining so‘nggi kunlarida Yaponiya imperiyasining taslim bo‘lishini tezlashtirish maqsadida Xirosima va Nagasakiga atom bombalarini tashlagan. Bu insoniyat tarixida yadro qurolini jangovar qo‘llashning yagona misoli hisoblanadi. Fojia qurbonlarining umumiy soni 240 ming kishidan oshadi.
25-iyun kuni AQSH prezidenti Donald Tramp Amerikaning Eron yadroviy obyektlariga bergan zarbalarini Ikkinchi jahon urushiga “yakun yasagan” Xirosima va Nagasakiga atom bombalarini tashlashga qiyoslagandi.
Yaponiya hukumati bosh kotibi Yesimasa Xayasi Amerika rahbarining so‘zlariga izoh berar ekan, Xirosima va Nagasaki shaharlarining bombardimon qilinishi “insoniyatni tasvirlab bo‘lmas azob-uqubatlarga va achinish uyg‘otadigan insonparvarlik vaziyatiga olib kelgan kasalliklarga” sabab bo‘lganini eslatib o‘tgandi.
2024-yilning sentyabrida AQSH Tinch okeanidagi Tinian orolida Yaponiyani atom bombasi bilan bombardimon qilish uchun foydalanilgan aviabazani qayta qurmoqda.
Izoh (0)