Москва биржаси индекси кескин пасайиб кетди

Москва биржаси индекси 2200 пунктдан пастга тушди. Бу кечаги савдолар ёпилганидан бери 10 фоиздан ортиқ пасайишдир, дея хабар бермоқда «Коммерсантъ».  

Пасайиш Украинанинг айрим ҳудудларида Россия таркибига қўшилиш бўйича референдум ўтказиш ҳақидаги хабарлар фонида содир бўлди.

Тошкент вақти билан 17:09 ҳолатига кўра, Москва биржаси индекси 2 172 пунктгача пасайди. 17:13 га келиб бу кўрсаткич 2 255 га кўтарилди. 

Етакчи компанияларнинг акциялари ҳам туша бошлади: 

• TCS Group — 13,7 фоизга; 
• ОЗОН — 11,7 фоизга; 
• Полйметал — 11,6 фоизга; 
• Новатек — 11,3 фоизга; 
• Yandex — 10,8 фоизга; 
• «Газпром Нефть» — 10,1 фоизга; 
• АФК Система — 10 фоизга; 
• «Сургутнефтегаз» — 9,6 фоизга; 
• «Газпром» — 9,1 фоизга; 
• Lukoil — 9 фоизга; 
• «Роснефть» — 8,6 фоизга ўз акциялари қийматини йўқотди.

20 сентябрь куни тушдан кейин Луганск ва Донецк халқ республикалари халқ кенгашлари вилоятлар жамоат палаталари чақириғи билан Россия таркибига қўшилиш бўйича референдум ўтказиш тўғрисидаги қонунларни қабул қилди. 

Шунингдек, Херсон вилояти ҳарбий-фуқаролик маъмурияти ҳам худди шундай референдум ўтказишга рози бўлди.

Шунингдек, котировкаларга товар экспортчиларига солиқ юкини ошириш муҳокамаси ҳақидаги хабарлар таъсир кўрсатди.