Funt sterling o‘ttiz yetti yillik eng past darajaga tushdi

Britaniya valyuta ayirboshlash agregatori kotirovkalaridan kelib chiqqan holda, funt sterling hozirda 1,13 dollar va 1,14 yevrodan sotilmoqda. Bu haqda Bloomberg xabar berdi.

Bu 1985-yil mart oyidan beri valyuta kursining dollarga nisbatan, 2021-yil boshidan beri esa yevroga nisbatan eng jiddiy pasayishi hisoblanadi.

O‘tgan hafta, 5-sentabrda ham funt rekord darajada tushib ketgandi. Keyinroq Britaniya valyutasi 1 yevroga sotildi, bu 2002-yil dekabridan beri eng past ko‘rsatkich edi.

Buyuk Britaniya valyutasi bu yil taxminan 16 foizga tushdi. Bu Buyuk Britaniyadagi tanazzul va yangi hukumat bilan siyosiy noaniqlik holatini aks ettiradi.

Financial Times tahlilchilari funtning qadrsizlanishini yangi bosh vazir Liz Trussning hokimiyatga kelishi bilan izohlamoqda. Uuy xo‘jaliklari uchun elektr energiyasi narxini shakllantirishga davlat aralashuvini ta’minlaydigan bir qator iqtisodiy islohotlarni e’lon qilgan.

Avvalroq Britaniya iqtisodiyoti tobora yomonlashayotgani haqida xabar berilgandi.