Turkiya prezidenti Rajab Toyyib Erdo‘g‘on BMT Bosh assambleyasining 77-sessiyasida so‘zlagan nutqida xalqaro tashkilotlar va davlatlarni Ukrainada tinchlikka erishish yo‘lida Anqaraning harakatlarini qo‘llab-quvvatlashga chaqirdi, deya xabar beradi “RBK”.
Turkiya rahbari o‘z mamlakati “so‘nggi kunlarda yangi kuch bilan qayta alanga olgan” Ukrainadagi jangovar harakatlarni tugatish bo‘yicha sa’y-harakatlarni kuchaytirishi haqida gapirdi.
“Biz muammoni hududiy yaxlitlik asosida va Ukraina mustaqilligini hisobga olgan holda hal qilinishi tarafdorimiz. Rossiya va Ukrainaning inqirozdan munosib chiqib ketishiga imkon beradigan oqilona, adolatli va real diplomatik yechim topish uchun birgalikda harakat qilish muhim”, — dedi u.
Shuningdek, Erdo‘g‘on Rossiya va Ukraina o‘rtasidagi muzokaralarni Turkiya tashkillashtirganini eslatdi: mart oyi boshida ikki davlat tashqi ishlar vazirlari Sergey Lavrov va Dmitriy Kuleba Antaliyada, oy oxirida esa Rossiya va Ukraina delegatsiyalari Istanbulda uchrashgan edi (bular Moskva va Kiev vakillari o‘rtasidagi so‘nggi yuzma-yuz muzokaralardir).
Undan tashqari, Turkiya davlat rahbari Rossiyaning urush harakatlari boshlanganidan beri mamlakatda to‘sib qo‘yilgan Ukraina portlaridan g‘alla eksport qilish imkonini beruvchi oziq-ovqat bo‘yicha kelishuvni tuzishda Anqaraning o‘rni haqida gapirdi.
Mavzuga doir:
Izoh (0)