Донецк Халқ Республикаси раҳбари Денис Пушилин Луганск Халқ Республикаси раҳбари Леонид Пасечникга ДХР ва ЛХРнинг Россия таркибига қўшилиши бўйича референдумга биргаликда тайёргарлик бошлашни таклиф қилди, деб ёзади «РБК».
Пушилин ЛХР ва ДХР жамоат палаталари ўз раҳбариятларига уларни Россиянинг бир қисми деб тан олиш бўйича зудлик билан референдум ўтказиш ташаббуси билан мурожаат қилганини эслатиб ўтди.
«Мен республикалар раҳбарлари маъмуриятлари, парламент аппаратларининг саъй-ҳаракатларини бирлаштириш таклифи билан чиқдимки, улар референдумга тайёргарлик кўриш масаласини бошлашимизга имкон берадиган қадамлар, ҳаракатлар алгоритмини ишлаб чиқишга замин яратишлари керак», — деди у.
Шунингдек, Пушилин ДХР ва ЛХР ҳарбий тузилмаларига хавфсизлик масалаларини биргаликда ишлаб чиқиш бўйича кўрсатма беришни таклиф қилди, унинг сўзларига кўра, бу уруш нуқтаи назаридан муҳим.
«Ўйлайманки, ўтган йиллардагидек, республикалар туғилган саккиз йил давомида, 2014 йилнинг айни бир хил вақтида республикалар референдум ўтказганини ҳисобга олсак, навбатдагиси ҳам шундай бўлади. Бизнинг ҳаракатларимиз ҳамоҳанг бўлиши керак», — дейди у.
Маълумот ўрнида, ДХР ва ЛХРда мустақиллик референдумлари 2014 йилнинг май ойида бўлиб ўтган.
Мавзуга доир:
Изоҳ (0)