Toshkent viloyati yo‘l harakati bosh boshqarmasi axborot xizmati ijtimoiy tarmoqlarda tarqalgan, Qibray tumanida fura yonayotgani aks etgan video yuzasidan ma’lumot berdi.
Qayd etilishicha, 19-sentabr kuni soat taxminan 12:10 da haydovchi — 1983-yilda tug‘ilgan, Sirdaryo viloyatida istiqomat qiluvchi G.M. Man yuk avtomobilini Qibray tumani “Ahillik” MFY Charog‘on ko‘chasida boshqarib ketayotgan vaqtda transport vositasining kabinasida yong‘in chiqqan va haydovchi harakatni to‘xtatgan.
Shundan so‘ng yuk avtomobilining kabinasi to‘liq, yukxonasi qisman yonib ketgan. Yong‘in oqibatida hech kimga ziyon yetmagan. Holat yuzasida Qibray tumani FVV YOXB tomonidan tergovga qadar surishtiruv ishlari olib borilmoqda.
Mavzuga doir:
Izoh (0)