Toshkent shahri Bektemir tumanida tadbirkorning mulkini talon-toroj qilgan shaxslar aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Bosh prokuratura huzuridagi departamentning Bektemir tumani bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda “B.G.” MCHJning moddiy javobgar shaxslari va boshqalar rasmiy hujjatlarni qalbakilashtirib, MCHJ tomonidan ishlab chiqarilgan 790 million so‘mlik 510 dona eshik-rom va uning jihozini sotib yuborib, tadbirkorning juda ko‘p miqdordagi mulkini o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)