Ijtimoiy tarmoqlarda Toshkent viloyati O‘rta Chirchiq tumanida 19-sentabr kuni yo‘l-transport hodisasi sodir bo‘lgani haqida ma’lumot tarqaldi. Viloyat yo‘l harakati xavfsizligi boshqarmasi holat yuzasidan munosabat bildirdi.
Ma’lum bo‘lishicha, soat taxminan 16:00 da O‘rta Chirchiq tumani hududidan o‘tgan Olmaliq–Toshkent avtomobil yo‘lining 32-kilometrida haydovchi — 1994-yilda tug‘ilgan E.L. Howo beton tashuvchi yuk avtomobilini boshqarib ketayotib, o‘zi bilan bir yo‘nalishda kelayotgan haydovchi — 1996-yilda tug‘ilgan A.B. boshqaruvidagi Spark hamda haydovchi — 1995-yilda tug‘ilgan B.N. boshqaruvidagi Matiz transport vositalariga urilishi oqibatida yo‘l-transport hodisasi sodir bo‘lgan.
Hodisa sabab hech kim og‘ir jarohat olmagan. Holat yuzasidan O‘rta Chirchiq tumani IIB YHXB tomonidan surishtiruv ishlari olib borilmoqda.
Izoh (0)