“Daryo” nashri 19-sentabrda O‘zbekiston va jahonda sodir bo’lgan eng muhim voqealarni e’tiboringizga havola etadi.
Shavkat Mirziyoyev 14 ta tuman hokimini ishdan oldi
O‘zbekistonda yil boshidan Samarqand 900 ming, Farg‘ona 850 ming, Andijon 650 ming ichki sayyohlarni qabul qilib, bu borada peshqadam bo‘ldi. Bu haqda prezident matbuot kotibi xabar qildi.
Qayd etilishicha, ayrim viloyat, tuman va shaharlar natijalari yaxshi emas.
Xizmat ko'rsatish salohiyatidan kelib chiqib ishlarni yetarli darajada tashkil etmagani uchun Qashqadaryo viloyati hokimi M.Azimovga hayfsan berildi.
Shahrisabz, Yakkabog‘, Qamashi, Kasbi, Kosonsoy, To‘raqo‘rg‘on, Arnasoy, Karmana, Urgut, Sherobod, Oltinsoy, Guliston, Yangiyo‘l, Xiva tumanlari hokimlari bugun ishdan olinib, o‘zgarish qilish uchun ularga uch oy sinov muddati beriladi.
Qirg‘iziston va Tojikiston chegaradagi yo‘llarni ochishga kelishib oldi
Tojikiston va Qirg‘iziston ishchi guruhlari 18-sentabr kuni “Guliston” chegara punktida uchrashib, davlatlar chegarasidagi yo‘llarni ochish va transport qatnovini ta’minlashga kelishib oldi. Bu haqda Tojikistonning ushbu chegara punkti joylashgan So‘g‘d viloyati raisi matbuot xizmati xabar qildi.
Eslatib o'tamiz Qirg‘iziston va Tojikiston chegarasida 16-sentabrga o‘tar kechasi avj olgan mojaro natijasida,Bishkek 46 kishi halok bo‘lganini, Dushanbe esa qurbonlar soni 38 ga yaqin ekanini, ularning orasida tinch aholi vakillari ham borligini da’vo qildi.
Ayni paytdagi holat yuzasidan Qirg‘iziston prezidenti Sadir Japarov xalqqa murojaat qilib: Qirg‘iziston Tojikiston bilan kelishmovchiliklarni tinch yo‘l bilan hal qilishni rejalashtirmoqda, deya ma'lum qilgan.
Japarovning so‘zlariga ko‘ra, ikki mamlakat munosabatlaridagi muammolar ular o‘rtasidagi hududiy chegaralar tartibga solinmaganidan kelib chiqmoqda.
Bayden Xitoy Tayvanga hujum qilsa, AQSH qo‘shinlari orol himoyasida ishtirok etishini aytdi
AQSH prezidenti Jo Bayden CBS jurnalistining tegishli savoliga javob berib: agar Xitoy tomonidan keng ko‘lamli hujum bo‘lsa, AQSH harbiylari Tayvanni himoya qilishini aytdi.
Tayvan masalasi AQSH Kongressi Vakillar palatasi spikeri Nensi Pelosining orolga tashrifi chog‘ida keskinlashgan.
XXR turli mamlakatlar rasmiy delegatsiyalarining Tayvanga tashrifini uning suvereniteti va hududiy yaxlitligini buzish sifatida baholaydi.Global inflyatsiya bilan bog‘liq vaziyat qanday?
Global inflyatsiya joriy yilning uchinchi choragida eng yuqori cho‘qqisiga chiqadi va keyin pasayishni boshlaydi. Bu haqda Focus Economics tahlilchilari prognoz qilmoqda.
Tahlilchilarning 60 foizga yaqini asosiy proinflyatsiya xavfini Rossiya gazining Yevropaga yetkazib berishning to‘liq to‘xtatilishi deb ataydi
Yana 22 foizi Rossiya va Ukraina o‘rtasida tinchlik kelishuviga erishish bug‘doy narxining keskin pasayishiga va Rossiya gazining Yevropaga yetkazib berilishining oshishiga olib kelishi mumkinligini, 3 foizi esa Eron bilan yadroviy kelishuvga erishish neft narxini pasaytirishi mumkinligini ta’kidladi.
Izoh (0)