O‘zbekistonda kontrabandaga, xususan, chegaralar orqali noqonuniy olib kirilayotgan tamaki mahsulotlarining tarqalishiga qarshi kurashish doim dolzarb bo‘lib kelgan.
Bu borada huquqni muhofaza qiluvchi organlar tegishli choralarni ko‘rayotgan bo‘lsa-da, “uddaburon” “tadbirkor”larni bunday qing‘ir ishdan qaytarish muammoligicha qolmoqda. Afsuski, noqonuniy tamaki mahsulotlarining respublikadagi aylanmasi hajmi ortishda davom etmoqda. Tamaki kontrabandasi oqibatida O‘zbekiston byudjetiga faqat aksiz solig‘i va QQS bo‘yicha yiliga 400 milliard so‘mdan ko‘proq mablag‘lar tushmay qoladi.
“Daryo” Telegram kanalida “agar xarid qilayotgan mahsulotingiz kontrabanda yo‘li bilan olib kirilganini bilsangiz, uni sotib olarmidingiz”, degan savol asosida so‘rovnoma o‘tkazildi. Bu savolga, deyarli 25 ming kishidan 41 foizi “ha, arzon bo‘lsa olaveraman”, deya javob berdi. Ko‘rinib turibdiki, aksariyat odamlar kontrabandaga qarshi kurashishni istamaydi. Ularni mahsulotning sifati va qonuniy sotilayotgani emas, faqat narxi qiziqtiradi.
Kontrabandaning har qanday ko‘rinishiga qarshi kurashishga nafaqat huquqni muhofaza qiluvchi organlar, balki butun jamiyat javobgardir.
Izoh (0)