Ўзбекистонда контрабандага, хусусан, чегаралар орқали ноқонуний олиб кирилаётган тамаки маҳсулотларининг тарқалишига қарши курашиш доим долзарб бўлиб келган.
Бу борада ҳуқуқни муҳофаза қилувчи органлар тегишли чораларни кўраётган бўлса-да, «уддабурон» «тадбиркор»ларни бундай қинғир ишдан қайтариш муаммолигича қолмоқда. Афсуски, ноқонуний тамаки маҳсулотларининг республикадаги айланмаси ҳажми ортишда давом этмоқда. Тамаки контрабандаси оқибатида Ўзбекистон бюджетига фақат акциз солиғи ва ҚҚС бўйича йилига 400 миллиард сўмдан кўпроқ маблағлар тушмай қолади.
«Дарё» Telegram каналида «агар харид қилаётган маҳсулотингиз контрабанда йўли билан олиб кирилганини билсангиз, уни сотиб олармидингиз», деган савол асосида сўровнома ўтказилди. Бу саволга, деярли 25 минг кишидан 41 фоизи «ҳа, арзон бўлса олавераман», дея жавоб берди. Кўриниб турибдики, аксарият одамлар контрабандага қарши курашишни истамайди. Уларни маҳсулотнинг сифати ва қонуний сотилаётгани эмас, фақат нархи қизиқтиради.
Контрабанданинг ҳар қандай кўринишига қарши курашишга нафақат ҳуқуқни муҳофаза қилувчи органлар, балки бутун жамият жавобгардир.
Изоҳ (0)