Namanganda madaniy merosga oid kitoblar xorijga olib ketilishining oldi olindi

Namanganda madaniy merosga oid kitoblar xorijga olib chiqilishining oldi olindi. Bu haqda “Daryo” muxbiri Azizbek Abduvaliyev xabar bermoqda.

Viloyatning “Pop” chegara-bojxona postiga Tojikistonga o‘tish maqsadida kirib kelgan o‘zbekistonlik fuqaroning o‘zini tutishi bojxona inspektorida shubha uyg‘otdi.

Fuqaroga tegishli qo‘l sumkasi ko‘zdan kechirilganda og‘zaki so‘rovda bildirilmagan hamda yo‘lovchi bojxona deklaratsiyasida qayd etilmagan 6 dona qadimiy kitob borligi aniqlandi.

Farg‘ona viloyati Madaniy meros boshqarmasi badiiy ekspertiza bo‘limi taqdim etgan xulosadan mazkur kitoblar XIX asr oxiri va XX asr boshlarida toshbosma usulida chop etilgan Qur’oni karim va boshqa diniy mazmundagi kitoblar ekanligi ma’lum bo‘ldi.

Mazkur kitoblar O‘zbekiston hukumatining tegishli qaroriga asosan olib chiqilishi ta’qiqlangan madaniy boylik hisoblanadi.

Hozirda mazkur holat yuzasidan surishtiruv ishlari olib borilmoqda.

Mavzuga doir:

Farg‘onadagi bojxona postida 50 ga yaqin madaniy boyliklar chetga olib ketilayotgani aniqlandi

O‘zbekistonda moddiy madaniy meros obyektlariga hurmatsizlik bilan munosabatda bo‘lganlik uchun javobgarlik belgilanmoqda