Британиялик ёш рассом ёзув машинкасида ғайриоддий суратлар яратмоқда (видео-фото)

Лондонда яшовчи 25 ёшли рассом Жеймс Кук учун авваллари портрет чизиш мушкул бўлган. Аммо у ўзининг хос асбоби — ёзув машинкасини топгач, ҳаммаси ажойиб тарзда ўзгарди. Ҳозирда Жеймс бу ускуна ёрдамида ғайриоддий суратлар яратмоқда. Бу ҳақда Euronews нашри ҳикоя қилади.

Кук Лондондаги офисида ўзининг 40 дан ортиқ ёзув машинкалари тўпламидан фойдаланган ҳолда ажойиб чизмалар яратади.

Унинг санъат асарлари бино ва ландшафт тасвирларидан тортиб, ҳайвонлар ва машҳурларнинг портретларигача бўлган чизмаларни ўз ичига олади.

Жеймс ўз асарларини яратишда тасодифий ҳарфлар, рақамлар ва тиниш белгиларидан фойдаланади.

Унда ушбу санъат турига қизиқиш илк бор 2014 йилда, ўзи учун америкалик ёзув машинкаси рассоми Пол Смитнинг асарларини кашф этганидан сўнг уйғонган. Шундан кейин у ўз суратларини яратишни бошлаган.

Мен ўзимнинг ёзув машинамни сотиб олишга қарор қилдим. Ўшандан бошлаб кучли иштиёқ билан аста-секин унда чизишни ўргандим.

Кукнинг А4 қоғозида чизиладиган кичик расмлари тўрт-беш кунгача давом этиши мумкин. Аммо унинг портретлари янада кўпроқ вақт талаб қилади.

«Жараён ҳеч қачон осон бўлмаган, бу ҳар доим ўзига яраша мушкул кечади», — деб ишининг қийинчиликларига изоҳ беради Кук.

У ёзув машинкасида санъат асарлари яратиш жараёнини «ҳарфлар, рақамлар ва тиниш белгиларидан иборат жумбоқ парчаси» — дея таърифлайди.

Одатда Кук ўз суратларини табиат қўйнида яратишни афзал кўради. У ерда ёш рассом кўпроқ томошабинларнинг эътиборини жалб қилади.

Ишимни бошлаганимда мени кузатаётган одамлар хат ёзяпти деб ўйлаб қандайдир чалкашиб кетади. Аммо кейинроқ суратлар бир-бирига яқинлашиб тайёр ҳолга келгач кузатувчилар ҳайратда қолади. Ва суратларни катта қизиқиш билан томоша қилиш мобайнида одамларда суҳбат учқунлари пайдо бўлади.

Ҳозирда Жеймс Гиннеснинг рекордлар китобига кириш умидида энг катта ёзув машинкасини чизишга ҳаракат қилмоқда.