Tayvan janubi-sharqida 7,2 magnitudali zilzila sodir bo‘ldi, deb xabar bermoqda AQSH Geologiya xizmati. Tayvan hukumati esa zilzilani 6,8 magnituli deb baholadi. Qurbonlar va jabrlanganlar haqida hozircha ma’lumotlar yo‘q.
Birinchi silkinishlar Toshkent vaqti bilan 11:44 da 10 kilometr chuqurlikda qayd etilgan. Ular 112 kishiga sezilgan.
Zilzila oqibatida poyezd relsdan chiqib ketgan va orol sharqidagi Xualyan okrugidagi oziq-ovqat do‘koni qulab tushgan. Ikki kishi vayronalar ostida qolgan bo‘lishi mumkin, deb xabar bermoqda Reuters. Agentlik ma’lumotlariga ko‘ra, zilzila tufayli yana uch kishi ko‘prikdan yiqilib tushgan.
Orolning sharqida ham uchta poyezd vagoni relsdan chiqib ketgan. Ulardan 20 ga yaqin odam chiqarib olingan, hech kim jabrlanmagan.
Izoh (0)