Qirg‘iziston va Tojikiston chegarasida sodir bo‘lgan qurolli to‘qnashuvlar chog‘ida qirg‘iz tomonidan 37 kishi halok bo‘ldi. Bu haqda “Kabar” agentligi Qirg‘iziston Favqulodda vaziyatlar vazirligi matbuot xizmatiga tayanib, xabar berdi.
Avvalroq 24 kishi halok bo‘lgani va 129 kishi yaralangani haqida xabar berilgandi, agentlik ma’lumotlariga ko‘ra, yaradorlar soni oshmagan. Tojikiston bilan chegaradosh Botken viloyatida evakuatsiya boshlangan, 136 mingdan ortiq kishi Favqulodda vaziyatlar vazirligi tomonidan xavfsiz hududlarga jo‘natilgan.
O‘z navbatida, Tojikiston rasmiylari qurbonlar va jarohatlanganlar sonini hali rasman e’lon qilmagan. Avvalroq respublika Ichki ishlar vazirligi Qirg‘iziston tomondan o‘qqa tutishlar oqibatida tojikistonlik tinch fuqarolar halok bo‘lganini ma’lum qilgandi.
Qirg‘iziston va Tojikiston o‘rtasidagi chegarada vaziyat 14-sentabr kuni ertalab keskinlashdi. Qirg‘iziston tomoni Tojikiston chegarachilari mamlakatning Botken tumaniga bostirib kirganini, tojik tomoni esa Isfara tumanida chegarachilar o‘qqa tutilganini ma’lum qildi.
Chegarada shiddatli janglar 16-sentabrga o‘tar kechasi yuz berdi. Shu kuni ertalab Tojikiston va Qirg‘iziston prezidentlari Emomali Rahmon va Sadir Japarov o‘t ochishni to‘xtatish haqida kelishib oldi, biroq sal keyinroq tomonlar bir-birini bitimni buzishda aybladi.
Izoh (0)