AQSHning Kolorado shtati Boulder okrugida Sonex Xenos yengil samolyoti va Cessna 172 bir dvigatelli samolyoti havoda to‘qnashib ketdi, oqibatda uch kishi halok bo‘ldi. Bu haqda mahalliy hokimiyatga tayanib, ABC telekanali xabar berdi.
Fuqarolik aviatsiyasi federal boshqarmasi (FAA) ma’lumotlariga ko‘ra, samolyotlar Longmont munitsipalitetidagi Vens Brend aeroporti yaqinida to‘qnashgan. Samolyotlar ikki xil joyda qulagan: ulardan biri daraxtlar ustiga tushgan, ikkinchisi esa yaqin atrofdagi dalaga qulagan.
FAA aniqlik kiritishicha, Cessna 172 bortida ikki kishi bo‘lgan, ularning ikkalasi ham halok bo‘lgan. Ikkinchi samolyotda faqat bir kishi bo‘lgani taxmin qilinmoqda. Qurbonlarning shaxsi hali aniqlanmagan.
Hodisa sabablari hozircha noma’lum. Tergov jarayonida halokat sodir bo‘lgan hududdagi yo‘llar yopilgan.
Izoh (0)